Shri Pashupati Ashtakam

॥ श्री पशुपत्यष्टकम् ॥

॥ ध्यानम् ॥
ध्यायेन्नित्यं महेशं रजतगिरिनिभं चारुचन्द्रावतंसं
रत्नाकल्पोज्ज्वलाङ्गं परशुमृगवराभीतिहस्तं प्रसन्नम्।
पद्मासीनं समन्तात्स्तुतममरगणैर्व्याघ्रकृत्तिं वसानं
विश्वाद्यं विश्वबीजं निखिलभयहरं पञ्चवक्त्रं त्रिनेत्रम्॥

॥ अथ स्तोत्रम् ॥

पशुपतिं द्युपतिं धरणीपतिं भुजगलोकपतिं च सतीपतिम्।
प्रणतभक्तजनार्तिहरं परं भजत रे मनुजा गिरिजापतिम्॥1॥

न जनको जननी न च सोदरो न तनयो न च भूरिबलं कुलम्।
अवति कोऽपि न कालवशं गतं भजत रे मनुजा गिरिजापतिम्॥2॥

मुरजडिण्डिमवाद्यविलक्षणं मधुरपञ्चमनादविशारदम्।
प्रमथभूतगणैरपि सेवितं भजत रे मनुजा गिरिजापतिम्॥3॥

शरणदं सुखदं शरणान्वितं शिव शिवेति शिवेति नतं नृणाम्।
अभयदं करुणावरुणालयं भजत रे मनुजा गिरिजापतिम्॥4॥

नरशिरोरचितं मणिकुण्डलं भुजगहारमुदं वृषभध्वजम्।
चितिरजोधवलीकृतविग्रहं भजत रे मनुजा गिरिजापतिम्॥5॥

मखविनाशकरं शशिशेखरं सततमध्वरभाजिफलप्रदम्।
प्रलयदग्धसुरासुरमानवं भजत रे मनुजा गिरिजापतिम्॥6॥

मदमपास्य चिरं हृदि संस्थितं मरणजन्मजराभयपीडितम्।
जगदुदीक्ष्य समीपभयाकुलं भजत रे मनुजा गिरिजापतिम्॥7॥

हरिविरञ्चिसुराधिपपूजितं यमजनेशधनेशनमस्कृतम्।
त्रिनयनं भुवनत्रितयाधिपं भजत रे मनुजा गिरिजापतिम्॥8॥

पशुपतेरिदमष्टकमद्भुतं विरचितं पृथिवीपतिसूरिणा।
पठति संश‍ृणुते मनुजः सदा शिवपुरीं वसते लभते मुदम्॥9॥

॥ इति श्रीपृथिवीपतिसूरिविरचितं श्रीपशुपत्यष्टकम् सम्पूर्णम् ॥
                        

॥ Shri Pashupatyashtakam ॥

॥ Dhyanam ॥
Dhyayennityam Mahesham Rajatagirinibham Charuchandravatamsam
Ratnakalpoijjvalangam Parashumrigavarabhitihastam Prasannam।
Padmasinam Samantatstutamamaraganairvyaghrakrittim Vasanam
Vishvadyam Vishvabijam Nikhilabhayaharam Panchavaktram Trinetram॥

॥ Atha Stotram ॥

Pashupatim Dyupatim Dharanipatim Bhujagalokapatim Cha Satipatim।
Pranatabhaktajanartiharam Param Bhajata Re Manuja Girijapatim॥1॥

Na Janako Janani Na Cha Sodaro Na Tanayo Na Cha Bhuribalam Kulam।
Avati Ko'pi Na Kalavasham Gatam Bhajata Re Manuja Girijapatim॥2॥

Murajadindimavadyavilakshanam Madhurapanchamanadavisharadam।
Pramathabhutaganairapi Sevitam Bhajata Re Manuja Girijapatim॥3॥

Sharanadam Sukhadam Sharananvitam Shiva Shiveti Shiveti Natam Nrinam।
Abhayadam Karunavarунalayam Bhajata Re Manuja Girijapatim॥4॥

Narashirorachitam Manikundalam Bhujagaharamudam Vrishabhadhvajam।
Chitirajodhavalidhritavиgraham Bhajata Re Manuja Girijapatim॥5॥

Makhavinashakaram Shashishekharam Satatamadhvarabhajiphalapradam।
Pralayadagdhasurasuramanavam Bhajata Re Manuja Girijapatim॥6॥

Madamapasya Chiram Hridi Samsthitam Maranajanamajarabhaypиditam।
Jagadudikshya Samipabhayakulam Bhajata Re Manuja Girijapatim॥7॥

Hariviranchisuradhipapujitam Yamajaneshadhaneshanamaskritam।
Trinayanam Bhuvanatritayadhipam Bhajata Re Manuja Girijapatim॥8॥

Pashupateridamashtakamadbhutam Virachitam Prithivipatisuurina।
Pathati Samshrinute Manujah Sada Shivapurim Vasate Labhate Mudam॥9॥

॥ Iti Shriprithivipatisuurivirachitam Shri Pashupatyashtakam Sampurnam ॥
                        

॥ ஶ்ரீ பஶுபத்யஷ்டகம் ॥
॥ த்யானம் ॥
த்யாயேந்நித்யம் மஹேஶம் ரஜதகிரினிபம் சாருசந்த்ராவதம்ஸம்
ரத்னாகல்போஜ்ஜ்வலாங்கம் பரஶும்ருகவராபீதிஹஸ்தம் ப்ரஸன்னம்।
பத்மாஸீனம் ஸமந்தாத்ஸ்துதமமரகணைர்வ்யாக்ரக்ருத்திம் வஸானம்
விஶ்வாத்யம் விஶ்வபீஜம் நிகிலபயஹரம் பஞ்சவக்த்ரம் த்ரிநேத்ரம்॥

॥ அத ஸ்தோத்ரம் ॥
பஶுபதிம் த்யுபதிம் தரணீபதிம் புஜகலோகபதிம் ச ஸதீபதிம்।
ப்ரணதபக்தஜனார்திஹரம் பரம் பஜத ரே மனுஜா கிரிஜாபதிம்॥1॥

ந ஜனகோ ஜனனீ ந ச ஸோதரோ ந தனயோ ந ச பூரிபலம் குலம்।
அவதி கோ(அ)பி ந காலவஶம் கதம் பஜத ரே மனுஜா கிரிஜாபதிம்॥2॥

முரஜடிண்டிமவாத்யவிலக்ஷணம் மதுரபஞ்சமநாதவிஶாரதம்।
ப்ரமதபூதகணைரபி ஸேவிதம் பஜத ரே மனுஜா கிரிஜாபதிம்॥3॥

ஶரணதம் ஸுகதம் ஶரணான்விதம் ஶிவ ஶிவேதி ஶிவேதி நதம் ந்ருணாம்।
அபயதம் கருணாவருணாலயம் பஜத ரே மனுஜா கிரிஜாபதிம்॥4॥

நரஶிரோரசிதம் மணிகுண்டலம் புஜகஹாரமுதம் வ்ருஷபத்வஜம்।
சிதிரஜோதவலீக்ருதவிக்ரஹம் பஜத ரே மனுஜா கிரிஜாபதிம்॥5॥

மகவிநாஶகரம் ஶஶிஶேகரம் ஸததமத்வரபாஜிபலப்ரதம்।
ப்ரலயதக்தஸுராஸுரமானவம் பஜத ரே மனுஜா கிரிஜாபதிம்॥6॥

மதமபாஸ்ய சிரம் ஹ்ருதி ஸம்ஸ்திதம் மரணஜன்மஜராபயபீடிதம்।
ஜகதுதீக்ஷ்ய ஸமீபபயாகுலம் பஜத ரே மனுஜா கிரிஜாபதிம்॥7॥

ஹரிவிரஞ்சிஸுராதிபபூஜிதம் யமஜனேஶதனேஶநமஸ்க்ருதம்।
த்ரிநயனம் புவனத்ரிதயாதிபம் பஜத ரே மனுஜா கிரிஜாபதிம்॥8॥

பஶுபதேரிதமஷ்டகமத்புதம் விரசிதம் ப்ருதிவீபதிஸூரிணா ।
படதி ஸம்ஶ்ருணுதே மனுஜः ஸதா ஶிவபுரீம் வஸதே லபதே முதம்॥9॥

॥ இதி ஶ்ரீப்ருதிவீபதிஸூரிவிரசிதம் ஶ்ரீபஶுபத்யஷ்டகம் ஸம்பூர்ணம் ॥
                        

॥ శ్రీ పశుపత్యష్టకం ॥
॥ ధ్యానం ॥
ధ్యాయేన్నిత్యం మహేశం రజతగిరినిభం చారుచంద్రావతంసం

రత్నాకల్పోజ్జ్వలాంగం పరశుమృగవరాభీతిహస్తం ప్రసన్నం।

పద్మాసీనం సమంతాత్స్తుతమమరగణైర్వ్యాఘ్రకృత్తిం వసానం

విశ్వాద్యం విశ్వబీజం నిఖిలభయహరం పంచవక్త్రం త్రినేత్రం॥

॥ అథ స్తోత్రం ॥
పశుపతిం ద్యుపతిం ధరణీపతిం భుజగలోకపతిం చ సతీపతిం।

ప్రణతభక్తజనార్తిహరం పరం భజత రే మనుజా గిరిజాపతిం॥1॥

న జనకో జననీ న చ సోదరో న తనయో న చ భూరిబలం కులం।

అవతి కోఽపి న కాలవశం గతం భజత రే మనుజా గిరిజాపతిం॥2॥

మురజడిండిమవాద్యవిలక్షణం మధురపంచమనాదవిశారదం।

ప్రమథభూతగణైరపి సేవితం భజత రే మనుజా గిరిజాపతిం॥3॥

శరణదం సుఖదం శరణాన్వితం శివ శివేతి శివేతి నతం నృణాం।

అభయదం కరుణావరుణాలయం భజత రే మనుజా గిరిజాపతిం॥4॥

నరశిరోరచితం మణికుండలం భుజగహారముదం వృషభధ్వజం।

చితిరజోధవలీకృతవిగ్రహం భజత రే మనుజా గిరిజాపతిం॥5॥

మఖవినాశకరం శశిశేఖరం సతతమధ్వరభాజిఫలప్రదం।

ప్రలయదగ్ధసురాసురమానవం భజత రే మనుజా గిరిజాపతిం॥6॥

మదమపాస్య చిరం హృది సంస్థితం మరణజన్మజరాభయపీడితం।

జగదుదీక్ష్య సమీపభయాకులం భజత రే మనుజా గిరిజాపతిం॥7॥

హరివిరంచిసురాధిపపూజితం యమజనేశధనేశనమస్కృతం।

త్రినయనం భువనత్రితయాధిపం భజత రే మనుజా గిరిజాపతిం॥8॥

పశుపతేరిదమష్టకమద్భుతం విరచితం పృథివీపతిసూరిణా ।

పఠతి సంశృణుతే మనుజః సదా శివపురీం వసతే లభతే ముదం॥9॥

॥ ఇతి శ్రీపృథివీపతిసూరివిరచితం శ్రీపశుపత్యష్టకం సంపూర్ణం ॥