Divine Aarti दिव्य आरती

त्रिदलं त्रिगुणाकारं त्रिनेत्रं च त्रियायुधम् ।
त्रिजन्मपापसंहारं एकबिल्वं शिवार्पणम् ॥१॥
त्रिशाखैर्बिल्वपत्रैश्च ह्यच्छिद्रैः कोमलैः शुभैः ।
शिवपूजां करिष्यामि ह्येकबिल्वं शिवार्पणम् ॥२॥
अखण्डबिल्वपत्रेण पूजिते नन्दिकेश्वरे ।
शुद्ध्यन्ति सर्वपापेभ्यो ह्येकबिल्वं शिवार्पणम् ॥३॥
शालग्रामशिलामेकां विप्राणां जातु चार्पयेत् ।
सोमयज्ञमहापुण्यं ह्येकबिल्वं शिवार्पणम् ॥४॥
दन्तिकोटिसहस्राणि वाजपेय शतानि च ।
कोटिकन्यामहादानं ह्येकबिल्वं शिवार्पणम् ॥५॥
लक्ष्म्यास्तनुत उत्पन्नं महादेवस्य च प्रियम् ।
बिल्ववृक्षं प्रयच्छामि ह्येकबिल्वं शिवार्पणम् ॥६॥
दर्शनं बिल्ववृक्षस्य स्पर्शनं पापनाशनम् ।
अघोरपापसंहारं ह्येकबिल्वं शिवार्पणम् ॥७॥
मूलतो ब्रह्मरूपाय मध्यतो विष्णुरूपिणे ।
अग्रतः शिवरूपाय ह्येकबिल्वं शिवार्पणम् ॥८॥
बिल्वाष्टकमिदं पुण्यं यः पठेच्छिवसन्निधौ ।
सर्वपापविनिर्मुक्तः शिवलोकमवाप्नुयात् ॥९॥
                    

Tridalam Trigunakaram Trinetram Cha Triyayudham।
Trijanma Papa Samharam Eka Bilvam Shivarpanam॥1॥
Trishakhaih Bilva Patraishcha Hyachchidraih Komalaih Shubhaih।
Shiva Poojam Karishyami Hyeka Bilvam Shivarpanam॥2॥
Akhanda Bilva Patrena Poojite Nandikeshware।
Shudhyanti Sarva Papebhyo Hyeka Bilvam Shivarpanam॥3॥
Shaligrama Shilamekam Vipranam Jatu Chaarpayet।
Somayajna Maha Punyam Hyeka Bilvam Shivarpanam॥4॥
Dantikoti Sahasrani Vajapeya Shatani Cha।
Kotikanya Mahadanam Hyeka Bilvam Shivarpanam॥5॥
Lakshmyastanuta Utpannam Mahadevasya Cha Priyam।
Bilva Vriksham Prayachhami Hyeka Bilvam Shivarpanam॥6॥
Darshanam Bilva Vrikshasya Sparshanam Papa Nashanam।
Aghora Papa Samharam Hyeka Bilvam Shivarpanam॥7॥
Moolato Brahma Roopaya Madhyato Vishnu Rupine।
Agratah Shiva Roopaya Hyeka Bilvam Shivarpanam॥8॥
Bilvashtakamidam Punyam Yah Pathechchiva Sannidhau।
Sarva Papa Vinirmuktah Shiva Lokamavapnuyat॥9॥