॥ दोहा ॥
श्री राधापद कमल रज,सिर धरि यमुना कूल।

वरणो चालीसा सरस,सकल सुमंगल मूल॥

॥ चौपाई ॥
जय जय पूरण ब्रह्म बिहारी।दुष्ट दलन लीला अवतारी॥

जो कोई तुम्हरी लीला गावै।बिन श्रम सकल पदारथ पावै॥

श्री वसुदेव देवकी माता।प्रकट भये संग हलधर भ्राता॥

मथुरा सों प्रभु गोकुल आये।नन्द भवन में बजत बधाये॥

जो विष देन पूतना आई।सो मुक्ति दै धाम पठाई॥

तृणावर्त राक्षस संहार्यौ।पग बढ़ाय सकटासुर मार्यौ॥

खेल खेल में माटी खाई।मुख में सब जग दियो दिखाई॥

गोपिन घर घर माखन खायो।जसुमति बाल केलि सुख पायो॥

ऊखल सों निज अंग बँधाई।यमलार्जुन जड़ योनि छुड़ाई॥

बका असुर की चोंच विदारी।विकट अघासुर दियो सँहारी॥

ब्रह्मा बालक वत्स चुराये।मोहन को मोहन हित आये॥

बाल वत्स सब बने मुरारी।ब्रह्मा विनय करी तब भारी॥

काली नाग नाथि भगवाना।दावानल को कीन्हों पाना॥

सखन संग खेलत सुख पायो।श्रीदामा निज कन्ध चढ़ायो॥

चीर हरन करि सीख सिखाई।नख पर गिरवर लियो उठाई॥

दरश यज्ञ पत्निन को दीन्हों।राधा प्रेम सुधा सुख लीन्हों॥

नन्दहिं वरुण लोक सों लाये।ग्वालन को निज लोक दिखाये॥

शरद चन्द्र लखि वेणु बजाई।अति सुख दीन्हों रास रचाई॥

अजगर सों पितु चरण छुड़ायो।शंखचूड़ को मूड़ गिरायो॥

हने अरिष्टा सुर अरु केशी।व्योमासुर मार्यो छल वेषी॥

व्याकुल ब्रज तजि मथुरा आये।मारि कंस यदुवंश बसाये॥

मात पिता की बन्दि छुड़ाई।सान्दीपनि गृह विद्या पाई॥

पुनि पठयौ ब्रज ऊधौ ज्ञानी।प्रेम देखि सुधि सकल भुलानी॥

कीन्हीं कुबरी सुन्दर नारी।हरि लाये रुक्मिणि सुकुमारी॥

भौमासुर हनि भक्त छुड़ाये।सुरन जीति सुरतरु महि लाये॥

दन्तवक्र शिशुपाल संहारे।खग मृग नृग अरु बधिक उधारे॥

दीन सुदामा धनपति कीन्हों।पारथ रथ सारथि यश लीन्हों॥

गीता ज्ञान सिखावन हारे।अर्जुन मोह मिटावन हारे॥

केला भक्त बिदुर घर पायो।युद्ध महाभारत रचवायो॥

द्रुपद सुता को चीर बढ़ायो।गर्भ परीक्षित जरत बचायो॥

कच्छ मच्छ वाराह अहीशा।बावन कल्की बुद्धि मुनीशा॥

ह्वै नृसिंह प्रह्लाद उबार्यो।राम रुप धरि रावण मार्यो॥

जय मधु कैटभ दैत्य हनैया।अम्बरीय प्रिय चक्र धरैया॥

ब्याध अजामिल दीन्हें तारी।शबरी अरु गणिका सी नारी॥

गरुड़ासन गज फन्द निकन्दन।देहु दरश ध्रुव नयनानन्दन॥

देहु शुद्ध सन्तन कर सङ्गा।बाढ़ै प्रेम भक्ति रस रङ्गा॥

देहु दिव्य वृन्दावन बासा।छूटै मृग तृष्णा जग आशा॥

तुम्हरो ध्यान धरत शिव नारद।शुक सनकादिक ब्रह्म विशारद॥

जय जय राधारमण कृपाला।हरण सकल संकट भ्रम जाला॥

बिनसैं बिघन रोग दुःख भारी।जो सुमरैं जगपति गिरधारी॥

जो सत बार पढ़ै चालीसा।देहि सकल बाँछित फल शीशा॥

॥ छन्द ॥
गोपाल चालीसा पढ़ै नित,नेम सों चित्त लावई।

सो दिव्य तन धरि अन्त महँ,गोलोक धाम सिधावई॥

संसार सुख सम्पत्ति सकल,जो भक्तजन सन महँ चहैं।

'जयरामदेव' सदैव सो,गुरुदेव दाया सों लहैं॥

॥ दोहा ॥
प्रणत पाल अशरण शरण,करुणा-सिन्धु ब्रजेश।

चालीसा के संग मोहि,अपनावहु प्राणेश॥

॥ Doha ॥
Shri Radhapada Kamala Raja,Sira Dhari Yamuna Kula।

Varano Chalisa Sarasa,Sakala Sumangala Mula॥

॥ Chaupai ॥
Jaya Jaya Purana Brahma Bihari।Dushta Dalana Lila Avatari॥

Jo Koi Tumhari Lila Gavai।Bina Shrama Sakala Padaratha Pavai॥

Shri Vasudeva Devaki Mata।Prakata Bhaye Sanga Haladhara Bhrata॥

Mathura Son Prabhu Gokula Aye।Nanda Bhavana Mein Bajata Badhaye॥

Jo Visha Dena Putana Ai।So Mukti Dai Dhama Pathai॥

Trinavarta Rakshasa Sanharyau।Paga Badhaya Sakatasura Maryau॥

Khela Khela Mein Mati Khai।Mukha Mein Saba Jaga Diyo Dikhai॥

Gopina Ghara Ghara Makhana Khayo।Jasumati Bala Keli Sukha Payo॥

Ukhala Son Nija Anga Bandhai।Yamalarjuna Jada Yoni Chhudai॥

Baka Asura Ki Choncha Vidari।Vikata Aghasura Diyo Sanhari॥

Brahma Balaka Vatsa Churaye।Mohana Ko Mohana Hita Aye॥

Bala Vatsa Saba Bane Murari।Brahma Vinaya Kari Taba Bhari॥

Kali Naga Nathi Bhagavana।Davanala Ko Kinhon Pana॥

Sakhana Sanga Khelata Sukha Payo।Shridama Nija Kandha Chadhayo॥

Chira Harana Kari Sikha Sikhai।Nakha Para Giravara Liyo Uthai॥

Darasha Yajna Patnina Ko Dinhon।Radha Prema Sudha Sukha Linhon॥

Nandahin Varuna Loka Son Laye।Gvalana Ko Nija Loka Dikhaye॥

Sharada Chandra Lakhi Venu Bajai।Ati Sukha Dinhon Rasa Rachai॥

Ajagara Son Pitu Charana Chhudayo।Shankhachuda Ko Muda Girayo॥

Hane Arishta Sura Aru Keshi।Vyomasura Maryo Chhala Veshi॥

Vyakula Braja Taji Mathura Aye।Mari Kansa Yaduvansha Basaye॥

Mata Pita Ki Bandi Chhudayi।Sandipani Griha Vidya Pai॥

Puni Pathayau Braja Udhau Jnani।Prema Dekhi Sudhi Sakala Bhulani॥

Kinhin Kubari Sundara Nari।Hari Laye Rukmini Sukumari॥

Bhaumasura Hani Bhakta Chhudaye।Surana Jiti Surataru Mahi Laye॥

Dantavakra Shishupala Sanhare।Khaga Mriga Nriga Aru Badhika Udhare॥

Dina Sudama Dhanapati Kinhon।Paratha Ratha Sarathi Yasha Linhon॥

Gita Jnana Sikhavana Hare।Arjuna Moha Mitavana Hare॥

Kela Bhakta Bidura Ghara Payo।Yuddha Mahabharata Rachavayo॥

Drupada Suta Ko Chira Badhayo।Garbha Parikshita Jarata Bachayo॥

Kachchha Machchha Varaha Ahisha।Bavana Kalki Buddhi Munisha॥

Hvai Nrisinha Prahlada Ubaryo।Rama Rupa Dhari Ravana Maryo॥

Jaya Madhu Kaitabha Daitya Hanaiya।Ambariya Priya Chakra Dharaiya॥

Byadha Ajamila Dinhein Tari।Shabari Aru Ganika Si Nari॥

Garudasana Gaja Phanda Nikandana।Dehu Darasha Dhruva Nayananandana॥

Dehu Shuddha Santana Kara Sanga।Badhai Prema Bhakti Rasa Ranga॥

Dehu Divya Vrindavana Basa।Chhutai Mriga Trishna Jaga Asha॥

Tumharo Dhyana Dharata Shiva Narada।Shuka Sanakadika Brahma Visharada॥

Jaya Jaya Radharamana Kripala।Harana Sakala Sankata Bhrama Jala॥

Binasain Bighana Roga Duhkha Bhari।Jo Sumarain Jagapati Giradhari॥

Jo Sata Bara Padhai Chalisa।Dehi Sakala Banchhita Phala Shisha॥

॥ Chhanda ॥
Gopala Chalisa Padhai Nita,Nema Son Chitta Lavai।

So Divya Tana Dhari Anta Mahan,Goloka Dhama Sidhavai॥

Sansara Sukha Sampatti Sakala,Jo Bhaktajana Sana Mahan Chahain।

'Jayaramadeva' Sadaiva So,Gurudeva Daya Son Lahain॥

॥ Doha ॥
Pranata Pala Asharana Sharana,Karuna-Sindhu Brajesha।

Chalisa Ke Sanga Mohi,Apanavahu Pranesha॥