॥ दोहा ॥
श्री राधे वृषभानुजा,भक्तनि प्राणाधार।

वृन्दाविपिन विहारिणि,प्रणवौं बारंबार॥

जैसौ तैसौ रावरौ,कृष्ण प्रिया सुखधाम।

चरण शरण निज दीजिये,सुन्दर सुखद ललाम॥

॥ चौपाई ॥
जय वृषभानु कुँवरि श्री श्यामा।कीरति नंदिनी शोभा धामा॥

नित्य विहारिनि श्याम अधारा।अमित मोद मंगल दातारा॥

रास विलासिनि रस विस्तारिनि।सहचरि सुभग यूथ मन भावनि॥

नित्य किशोरी राधा गोरी।श्याम प्राणधन अति जिय भोरी॥

करुणा सागर हिय उमंगिनी।ललितादिक सखियन की संगिनी॥

दिन कर कन्या कूल विहारिनि।कृष्ण प्राण प्रिय हिय हुलसावनि॥

नित्य श्याम तुमरौ गुण गावैं।राधा राधा कहि हरषावैं॥

मुरली में नित नाम उचारें।तुव कारण लीला वपु धारें॥

प्रेम स्वरूपिणि अति सुकुमारी।श्याम प्रिया वृषभानु दुलारी॥

नवल किशोरी अति छवि धामा।द्युति लघु लगै कोटि रति कामा॥

गौरांगी शशि निंदक बदना।सुभग चपल अनियारे नयना॥

जावक युत युग पंकज चरना।नूपुर धुनि प्रीतम मन हरना॥

संतत सहचरि सेवा करहीं।महा मोद मंगल मन भरहीं॥

रसिकन जीवन प्राण अधारा।राधा नाम सकल सुख सारा॥

अगम अगोचर नित्य स्वरूपा।ध्यान धरत निशिदिन ब्रज भूपा॥

उपजेउ जासु अंश गुण खानी।कोटिन उमा रमा ब्रह्मानी॥

नित्य धाम गोलोक विहारिनि।जन रक्षक दुख दोष नसावनि॥

शिव अज मुनि सनकादिक नारद।पार न पाँइ शेष अरु शारद॥

राधा शुभ गुण रूप उजारी।निरखि प्रसन्न होत बनबारी॥

ब्रज जीवन धन राधा रानी।महिमा अमित न जाय बखानी॥

प्रीतम संग देइ गलबाँही।बिहरत नित वृन्दावन माँही॥

राधा कृष्ण कृष्ण कहैं राधा।एक रूप दोउ प्रीति अगाधा॥

श्री राधा मोहन मन हरनी।जन सुख दायक प्रफुलित बदनी॥

कोटिक रूप धरें नंद नंदा।दर्श करन हित गोकुल चन्दा॥

रास केलि करि तुम्हें रिझावें।मान करौ जब अति दुःख पावें॥

प्रफुलित होत दर्श जब पावें।विविध भांति नित विनय सुनावें॥

वृन्दारण्य विहारिनि श्यामा।नाम लेत पूरण सब कामा॥

कोटिन यज्ञ तपस्या करहू।विविध नेम व्रत हिय में धरहू॥

तऊ न श्याम भक्तहिं अपनावें।जब लगि राधा नाम न गावें॥

वृन्दाविपिन स्वामिनी राधा।लीला वपु तब अमित अगाधा॥

स्वयं कृष्ण पावैं नहिं पारा।और तुम्हें को जानन हारा॥

श्री राधा रस प्रीति अभेदा।सादर गान करत नित वेदा॥

राधा त्यागि कृष्ण को भजिहैं।ते सपनेहु जग जलधि न तरि हैं॥

कीरति कुँवरि लाड़िली राधा।सुमिरत सकल मिटहिं भवबाधा॥

नाम अमंगल मूल नसावन।त्रिविध ताप हर हरि मनभावन॥

राधा नाम लेइ जो कोई।सहजहि दामोदर बस होई॥

राधा नाम परम सुखदाई।भजतहिं कृपा करहिं यदुराई॥

यशुमति नन्दन पीछे फिरिहैं।जो कोऊ राधा नाम सुमिरिहैं॥

रास विहारिनि श्यामा प्यारी।करहु कृपा बरसाने वारी॥

वृन्दावन है शरण तिहारी।जय जय जय वृषभानु दुलारी॥

॥ दोहा ॥
श्रीराधा सर्वेश्वरी,रसिकेश्वर घनश्याम।

करहुँ निरंतर बास मैं,श्रीवृन्दावन धाम॥

॥ Doha ॥
Shri Radhe Vrishabhanuja,Bhaktani Pranadhara।

Vrindavipina Viharini,Pranavaun Barambara॥

Jaisau Taisau Ravarau,Krishna Priya Sukhadhama।

Charana Sharana Nija Dijiye,Sundara Sukhada Lalama॥

॥ Chaupai ॥
Jaya Vrishabhanu Kunvari Shri Shyama।Kirati Nandini Shobha Dhama॥

Nitya Viharini Shyama Adhara।Amita Moda Mangala Datara॥

Rasa Vilasini Rasa Vistarini।Sahachari Subhaga Yutha Mana Bhavani॥

Nitya Kishori Radha Gori।Shyama Pranadhana Ati Jiya Bhori॥

Karuna Sagara Hiya Umangini।Lalitadika Sakhiyana Ki Sangini॥

Dina Kara Kanya Kula Viharini।Krishna Prana Priya Hiya Hulasavani॥

Nitya Shyama Tumarau Guna Gavain।Radha Radha Kahi Harashavain॥

Murali Mein Nita Nama Ucharein।Tuva Karana Lila Vapu Dharein॥

Prema Svarupini Ati Sukumari।Shyama Priya Vrishabhanu Dulari॥

Navala Kishori Ati Chhavi Dhama।Dyuti Laghu Lagai Koti Rati Kama॥

Gaurangi Shashi Nindaka Badana।Subhaga Chapala Aniyare Nayana॥

Javaka Yuta Yuga Pankaja Charana।Nupura Dhuni Pritama Mana Harana॥

Santata Sahachari Seva Karahin।Maha Moda Mangala Mana Bharahin॥

Rasikana Jivana Prana Adhara।Radha Nama Sakala Sukha Sara॥

Agama Agochara Nitya Svarupa।Dhyana Dharata Nishidina Braja Bhupa॥

Upajeu Jasu Ansha Guna Khani।Kotina Uma Rama Brahmani॥

Nitya Dhama Goloka Viharini।Jana Rakshaka Dukha Dosha Nasavani॥

Shiva Aja Muni Sanakadika Narada।Para Na Panyi Shesha Aru Sharada॥

Radha Shubha Guna Rupa Ujari।Nirakhi Prasanna Hota Banabari॥

Braja Jivana Dhana Radha Rani।Mahima Amita Na Jaya Bakhani॥

Pritama Sanga Dei Galabanhi।Biharata Nita Vrindavana Manhi॥

Radha Krishna Krishna Kahain Radha।Eka Rupa Dou Priti Agadha॥

Shri Radha Mohana Mana Harani।Jana Sukha Dayaka Praphulita Badani॥

Kotika Rupa Dharein Nanda Nanda।Darsha Karana Hita Gokula Chanda॥

Rasa Keli Kari Tumhein Rijhavein।Mana Karau Jaba Ati Duhkha Pavein॥

Praphulita Hota Darsha Jaba Pavein।Vividha Bhanti Nita Vinaya Sunavein॥

Vrindaranya Viharini Shyama।Nama Leta Purana Saba Kama॥

Kotina Yajna Tapasya Karahu।Vividha Nema Vrata Hiya Mein Dharahu॥

Tau Na Shyama Bhaktahin Apanavein।Jaba Lagi Radha Nama Na Gavein॥

Vrindavipina Svamini Radha।Lila Vapu Taba Amita Agadha॥

Svayam Krishna Pavain Nahin Para।Aura Tumhein Ko Janana Hara॥

Shri Radha Rasa Priti Abheda।Sadara Gana Karata Nita Veda॥

Radha Tyagi Krishna Ko Bhajihain।Te Sapanehu Jaga Jaladhi Na Tari Hain॥

Kirati Kunvari Ladili Radha।Sumirata Sakala Mitahin Bhavabadha॥

Nama Amangala Mula Nasavana।Trividha Tapa Hara Hari Manabhavana॥

Radha Nama Lei Jo Koi।Sahajahi Damodara Basa Hoi॥

Radha Nama Parama Sukhadai।Bhajatahin Kripa Karahin Yadurai॥

Yashumati Nandana Pichhe Phirihain।Jo Kou Radha Nama Sumirihain॥

Rasa Viharini Shyama Pyari।Karahu Kripa Barasane Vari॥

Vrindavana Hai Sharana Tihari।Jaya Jaya Jaya Vrishabhanu Dulari॥

॥ Doha ॥
Shriradha Sarveshvari,Rasikeshvara Ghanashyama।

Karahun Nirantara Basa Main,Shrivrindavana Dhama॥